Shillong, 1,Naiwieng- Ka seng Hynniewtrep Integrated Territorial Organization (HITO) Ribhoi District mynta ka sngi ka 1 tarik u naiwieng 2023 lyngba u Working President ka umsning Circle member ribhoi district ka la pynrem jur ia u bah Keny Nongrum ba u la kren bad kynnoh ba u President bah Donbok Dkhar u leh marwei.
Ka jingkynnoh jong u bah Keny ia u President ba rangbah ka seng HITO bah Donbok kadei tang namar ba shah weng ia u working President bad u secretary na ka group.
Ka jingweng u President ia kitei ki 2 ngut kadei namar ba kine ki trei ym tang ia ka seng HITO hynrei ki don bynta ruh bad kawei pat ka seng ka ba na Ri Bhoi bad kim shem la bud ruh ia ki kyndon ba ka seng ka buh.
Ha ka jingiakren bad u bah Banpynshai Umbah u Working President ka Umsning Circle u la ong ba u bah Keny Nongrum u hap ban leit pule biang sa shisien namar ba u shu kynnoh ba u President u shu weng jubor na ka group bad u bah Keny um da tip bha ruh ia ka presidential notice ba khlem karai jong ka CEC u President un nym lah ban leh marwei.
U bah Banpynshai u la iaroh pynban ia ka jingleh jong u bah Donbok Dkhar ba u la leh ia kaei ka ba bha eh namar baroh shi katta ha kapor ba dangdon kitei ki kynhun ba la iehnoh kam ki unit bad ki area bapher bapher ki la shu sah tang ha ka umdum bad sah khunswet namar kitei kim ju pyntip eiei lada don kano kano ka issue kim ju pyntip ia ki Dkhot.
Haduh mynta ki Dkhot ka seng HITO Ri Bhoi area kam shem la pat khylliap lama hynrei ka khubor ka ba mih kadei tang ka jingpynthohbria ia ka seng bad ki ba mih haduh mynta kidon tang u wei bad arngut la bynrap u bah Banpynshai Umbah.