Shillong, Lber 21:
U President ka Khasi Student Union Mawlai Circle u samla Biangbor Paliar u la pynkynmaw ba katkum ka jingiathuhkhana hashwa ban pynkha ia ka seng KSU kane ka thain Mawlai Nongkwar ki dei kiba sah ki Nepali kiba ri masi hynrei naduh ba la pynkha ia ka KSU ha u snem 1979 mynta la shong la sah tang para khasi.
U samla Biangbor u la iathuh ba ka jingpynlut ban shna ia ka iing jong ka kong Regina Jyrwa ka la poi palat 7 lak tyngka na ka bynta saw kamra namar ia ki paia la shna ban tei haduh lai mala.
U la iathuh b aka seng nangne shakhmat kan dang peit ia ki iing kiba duk ban iarap pynshna iing kum shibynta ban kyrshan ia ka jaidbynriew lajong.
