Shillong, Jylliew 07:
U nongaibuit barim ka seng United Democratic Party uba dei ruh u MDC shu sieh da ka sorkar jylla ha KHADC bah Bindo M Lanong u la ong ba ka jinghiar ka UDP ha kane ka ilekshon MP Lok sabha ka dei namar ka ai tiket ia u Bah Robertjune Kharjahrin kaba ki paidbah kim pat ithuh.
U la ong namar ki paidbah kim ithuh namar um pat iakhun MDC, MLA dei na kane ka daw ka jingioh vote ka la hiar bha hynrei u Dr Ricky syngkon u dei u nonghikai ha NEHU bad u la iakhun teng ia ka ilekshon MLA na Umsning constituency.
U la ong ki nongialam ka UDP kin hap ban kitkhlieh ia ka jingrem ka seng ha kane ka ilekshon.
Shuh shuh u la pynkynmaw ba hadien ba u la rem ia ka ilekshon MLA na Nongkrem constituency u la pan tiket ban iakhun ia ka ilekshon MP Lok Sabha hynrei kim shym la jubab.