Shillong, Naiwieng 10
Ka puron lamkhmat jong ka phlim Rai-eh ka Meda Basaiawmoit ka la ong ba ka jingieid ka kham sngewtynnad lada iamonlang shi samla ban ia kato kaba shu pynbor na iing.
Kane ka la pynpaw haba iakren halor ka jingpynkhreh ban pynmih noh ia ka phlim Rai-eh naduh ka 27 tarik mynta u bnai Naiwieng 2023 ha Khasi National Dorbar Hall Mawkhar.
Ka la ong ba ha kane ka phlim kiba haiing hasem la shu pynbor ban iathoh bad bah Amazing Kurbah hynrei u bah Amazing um mon takadaw u shu shoh bad leh dom riang.
Kumta haba khatduh ka la poi noh bad u Kynsai Lynshiang ban long uba ieid shirta jingim.
Haba iadei bad ka jingiaid iew bha ka serial Na Nongkyndong nga wan, ka Meda ka la ai khublei ia ki paidbah kiba la ai jingkyrshan namar kane ka khana ka dei shaphang ka jingim nongkyndong kaba riam katba lap ba shem.
Ka la iathuh ba ha kane ka phlim ka la ak bad u Kynsai Lynshiang.