Shillong, Nailar 02:
U president ka voice of the people party u bah Ardent Miller Basaiawmoit u la ong ba ka jingjop kput ka seng ha ka ilekshon MP kam dei kaba shu jia ryngkhat hynrei ka dei namar ka jingsngewthuh u paidbah ia kata ka lynti kaba eh bad ia kata ka lawei kaba dum jong ki khun ki kti.
Ia kane u bah Ardent u la kren ha ka jingialang ka seng ha iew Wahiajer,West Jaintia Hills District na ka bynta ban ai khublei ia ki paidbah kiba la ai ka jingkyrshan ba pura ia ka seng ha kane ka ilekshon MP kaba la kut ha u bnai Iaiong
U Bah Ardent u la ai nuksa ba kane ka jingiakhun ha ka ilekshon MP ba dang shu dep bad ka jingiakhun ha ka ilekshon MLA bad MDC kaban wan ka long kum ka jingialehkai mareh Relay Race.
“Ngi dang dep tang kawei ka round ha ka relay race bad kawei pat ka relay race kadei ka MDC ilekshon” u la ong
U bah ardent u la ong ruh ba kane ka jingjop jong ka seng ha ka ilekshon MP kam dei kaba kut hynrei kadei tang ka jingsdang jong ka jingiaid lynti.
U la ong b aka lah ban dei ka sien kaba nyngkong ba dei tang ka seng VPP ban leit sha ki paidbah ban ai khublei.
“Ngi don jingkyrmen ban jop bun ki mdc, namar ki paidbah ki rhem ia ka vpp ba ki kwah ban kyrshan prah” u la ong.;
U bah Ardent u la ong b aka sorkar ka la sdang ban pynslem ia ka ilekshon MDC da kaba ai daw ban pharia ia ka jingdonkam ki nongthep vote ha ki constituency hynrei don ki jaka long kumba leh pyut ki pynhap shawei ka block.
U la ong ba lad aka VPP ka ioh ka bor ban synshar kan rat nyngkong ia ka kam bamsap.
Kumta u la kyntu ia ki nongtrei ka VPP ba kim dei ban sngap lada don kiba wan ban pynsngewthuh bakla namar ki kwah ban pynsngwethuh bakla hadien b aka VPP ka la jop ia ka MP ilekshon. U la kyntu biang ia ki paidbah lad aka sorkar ka pharia katba ki mon haba pynbeit ia ka jingbun briew ha ki constituency ia ka ilekshon MDC hynrei haba ka mynsiem ka la rhem ka dei ba jied ha u prah.
