Shillong 01 Iaiong:
U wei u khynnah u ba dang 14 snem karta u la jah nala iing hynnin ka sngi jong ka 01 Tarik u Iaiong 2025, ha kapor kumba 6 baje eiei janmiet.
Une u khynnah uba la jah la tip kyrteng u Tejas Umdor u khun jong i kong Meda Umdor uba shong basah ha ka shnongMawnianglah, 7th Mile Upper Shillong, dong upper gate.
Haba ioh ban iakren bad u Rangbah shnong mynta ka step jong ka 02 Tarik u Iaiong 2025, u bah Mighty Giri Kharmih u la iathuh, ba Katkum ka jingioh jingtip jongu na ka Kmie jong une u khynnah, ba u lah jah na iing naduh ka por 6 baje janmiet bad khlem wan poi iing shuh.
U la iathuh ruh, ba ka shnong hadien ba ka la ioh jingtip ia kata ka jingjia, mar mar ka la pyntip ia baroh ki nongshong shnong hynnin hi ka miet ban iawad hynrei haduh mynta ym pat lap satia.Ka shnong mynta ka step ka la pyrta shnong biang, ban ia mih baroh ban iawad ia utei u khynnah, bad kat haduh mynta ka shnong kam pat tip une u khynnah u don haei.
U bah Mighty Giri u la ong, ba Katkum ka jingiathuh jong ka Kmie jong une u khynnah, ba ha kapor mynsngi u leit sha skul bad ka Kmie kam tip tikna la leit shisha ne sha skul, bad ka iakynduh khatduh hakpor janmiet por ba la wai skul, u ba dangiashongkai bad ki paralok ha kaba ka la iawer ban wan noh sha iing, hynrei ka kmie kam poi pyrkhat ba u khlem wan poi iingshuh.
Ka shnong Mawnianglah ka ka sdang iawad naduh dangstep bad kyrmen ba kin sa iakynduh bad kyrmen ba kan nym jia kaei kaei ka ba sniew ia utei u khynnah, la bynrap u bah Mighty Giri.