Shillong, Nailur 08:
Watla ka la don ka jingpynsaphriang ia ka video jong ka samla Rimika Dkhar haba ka sngewthuh bakla ban jubab haba iakhun Miss Meghalaya kaba dang shu dep shen hynrei kane ka samla kam shym la duh jingkyrmen hynrei ka mih shakhmat ban khot ia ki samla shynrang kiba nang ban ialehkai phutbol ba kin wan ban iashimbynta ha ka fourth football penalty shootout 2024 ka ban long ha ka 28 tarik September 2024 ha madan Student Jaiaw, Shillong ka ban sdang ban ai form naduh ka por 8:30 mynstep.
Ka Rimika ka la pyntip ba ia ki nongjop kaba mut first prize yn arphew hajar tyngka, second prize 10 hajar tyngka, third prize ar hajar tyngka, 4th prize 1 hajar tyngka bad 5th prize best goal keeper.
Ka la apyntip b aka bai rung kan long shih ajar tyngka bad ka bai form ka long 100 tyngka.
Ka Rimika ka la kyntu ia ki paidbah ban wan ai jingkyrshan ynda la pyni ia ka phlim Dhaka Escape ha Bijou cinema Shillong ka ban sa mih noh shen ha u bnai October 2024.
Ka samla Rimika ka dei kaba dang pule third semester ha Bachelor of Science ha Kiang Nangbah College, Jowai hynrei kam shym la duh mynsiem watla ka la jubab “it’s a secret” namar ka sngewthuh bakla namar ba ka dang mut ba ka nongbishar ka kwah ban iakren shwa ba kan buh jingkylli ha jingiakop thei bhabriew Miss Meghalaya 2024 hynrei kam poi pyrkhat ba kato kaba ka kren ia ka ka la dei ka jingkylli.
