Ki pulit jong ka nongbah shillong ki hap ban leit mareh kyrkieh sha Bijou cinema ban leit tem ia ka jingiaknieh tiket ki paidbah ban leit peit ia ka phlim Ka juk ba la ak da u marangbah bad madiang khnang ban lait kano kano kajingmih ka huri hura namar ki paidbah da ki hajar ngut ki la ieng lain ban ap tiket haduh hapdeng surok kaba la pynsahkut lut ia ki kali bad ia ki paidbah kiba iaid ba ieng ha khyndailad kaba la long mynta k asngi u blei ka 17 tarik naitung 2022.
Haba u nongsain hima u la poi ha ka por 2:30 janmiet la iohi ba ki pulit ryngkat ki CRPF ki la pahara jur bha ia ka jingkhang khnang ban nym rung pathar ki paidbah ban lait na ka jingmynsaw khamtam ia ki kynthei khynnah kiba la wan ap lain naduh ka por 11:00 baje mynstep.
La iohi ba ki pulit ki hap ban tied ia ki katto katne ngut ki samla shynrang ki bym kohnguh ban ieng da u lain haba shim ia ki tiket khnang ban nym mih ka jingklumar haba ki rung shapoh.
Ka jingdon ki pulit ka la pyllait ka jingmynsaw ia ki kynthei haba la pyniaid noh la ka jong u lain namar ki shynrang ki la tur da ka bor tang ban iohi noh ia ka phlim ba ak u madiang bad u marangbah.
