Shillong, 01 Naiwieng:
Ka jingjot rathai bad pei thliew ki rurok ha kylleng ka Nongbah Shillong ngim lah khlem ban da kdew ba ki kynhun sengbhalang ne ki seng bapher bapher ne ki shong ki thaw ki hap ban kynthoh shwa ne pynbor ïa ka sorkar jylla badei ban maramot ïa surok hato kita ki heh ka sorkar ki leh khyllung, khynnah ba ki paidbah ki hap ban pynbor la da dei kino kino ki kam ba dei ban leh ka sorkar.Haba jot rathai ki surok lada ka sorkar kam shem la leh eiei la ju paw pyrthei ba kita ki kynhun ne ki riew shimet ki hap ban maramot hi katba ki kotbor.Sngewlehraiñ shimbynta ban kdew ba kita kiba don ha ka tnad sorkar kaba kadei ka tnad police department ba la sakhie lyngba ki vedio ki pulit pyniaid kali ka Lumdiengjri police station kiba dang don ha ka kam ryngkat ka uniform ki don ka jingkit khlieh ha kaba ki hap ban ieh shipor ban pyniaid kali bad kila hap ban shim u mohkhiew bad Barsha ban pyndap kyndew ïa ki surok ba pei thleiw ha ki thaiñ Karikhana.Lehse ka jingsiew surok ka wan rah ka jingdheng kali kaba jur bha hapoh nongbah Shillong namar ki kali ki hap ban sumar namar ka mar kaba rem dor bad kiba hap ban iaid suki ban kiar ïa ki thliew ki sar jong ka surok. Kumta kane ka jingleh ki pulit pyniaid kali ka Lumdiengjri khnang ban pynaram ban pynllait ka jingdheng kali kim ban se ban shim kane ka lad ban maramot
