Haduh ban da jem syngkai, hikai shad bah Wanbet ia ki khynnah ban shad ha film Dhaka Escape

U Bah Wanbet Shangpliang u la ioh ban hikai shad sa ia kynhun nongshad synran kaba ar hadien ba u la dep hikai shad ia ka kynhun kaba nyngkong ha ka taiew kaba khatduh u bnai Nailur 2023.
Ha kane ka jinghikai shad ia ka kynhun kaba ar ki la don palat 22 ngut ki nongshad kynthei bad shynrang ki ban shad lang ha ka music video shilling sha Dhaka na ka phlim Dhaka escape ban ak lang u Phira Dohtdong, Nadia Syiemlieh, Amazing Kurbah, Sherilin Khongwar, Rishisha Mynsong, Joinpil Pde, ban ringdur da u bah Elvest Thabah.
Ka Chwa Syiemlieh Film Production kaba la pynmih ia ka phlim Dhaka Escape kan pynrung haduh 100 ngut ki nongsynshad synran ne side dancer ha kane ka music video jong ka phlim Dhaka Escape ban sa pyllait noh ha youtube ynda la ioh ia ka syrnod na Guwahati khnang ba ki paidbah kin ioh ban shad ha ka por tlang.
Ka phlim Dhaka escape ka dei ka phlim khasi kaba nyngkong ban leit ringdur sha Bangladesh kum ka sor Sylhet, Sreemangal, Moulvibazar, Dhaka kaba la dep pynbit pynbiang lut.
Ka thong ban pyni ia ka phlim Dhaka Escape ha cinema kan dei ha u bnai November 2023.
Kaba sngewtynnad ban pyntip sha ki paidbah ka jylla Meghalaya ba ha ka por leit ringdur sha Bangladesh ki la don palat phew ngut ki khasi kiba sah ha Bangladesh ki la ioh ban shimbynta ban ak kum u kpa, ban ak kum ki samla ban iarap ia u Phra Dohtdong kum u tyngshop uba la poi sha Bangladesh bad la jied kawei ka puron kaba dei ka khun ksiew jong u paiem wicklife syiem ka Mercy Sohlamar kaba sah ha Rajai kaba hap ha Mymensing District jong ka ri Bangladesh.