Ka phlim Tiger-3 kaba la ak da u Salman Khan bad Katrina Kaif ka la pynkyndeh shisha ia ki paidbah nongpeit phlim jong ka ri India namar haduh mynta ka sngi ka 11 tarik Naiwieng ki la poi palat 5 lak, 86 hajar ngut kiba thied lypa ka tiket ban peit ia kane ka phlim ha ka sngi sdang ha ka 12 tarik Naiwieng 2023.
Na kane ka jingthied lypa ki paidbah, ka phlim Tiger-3 ka la kamai lypa haduh 15 klur tyngka ha ka sngi sdang bad kane kaphlim la khmih lynti ba kan kamai haduh 30 klur ha ka sngi sdang.
Ki phlim Hindi baroh ki jus dang pyni ha ka sngi Thohdieng hynrei ka phlim Tiger-3 kan sdang ha ka sngi u Blei kaba dei 12 tarik Naiwieng kaba dei ka sngi rakhe ki riewngeit Hindu ia ka Diwali.
Ia kane ka phlim la Direct da u Maneesh Sharma, ba la pynmih da u Aditya Sharma uba dei ruh uba thoh ia ka khana.
Kane ka phlim ka jrong kumba 3 kynta duna ha ka jingmang pynlut kaba 300 klur tyngka.
Kaba kham pynkyndeh ia ki paidbah ban peit ia ka phlim Tiger-3 ka dei namar ka jingitynnad ia ka jingrwai Leke Prabhu Ka Naam kaba la poi palat 81 million view hapoh ar taiew ha youtube channel YRF.