U Bah Amazing Kurbah u khlur ialap ilekshon na Sohiong constituency u la pynpaw haba u ialap ilekshon u shu kawang beit haba kiwei ki kyrtong ki kawang ia u hynrei ha ka kam ak phlim pat ka la iapher namar hap banshah ha ka camera.U la iathuh ha ka kam ak phlim ka don tang kawei ka camera bad hap ban burom iaki para nongak naduh ka puron, ki gang bad u director hynrei ha ka kam ialap ilekshon la shu ther beit ban pyniap nia ia kiwei pat. Ha ka juh ka por u la ai khublei ia ki paidbah kiba comment kibakren bein bad don kibaiaroh haba u phong jaket snieh bad juti snieh haba shad ha ka music video ka phlim Dhaka escape.U la iathuh haba u ak ha ka music video Dhaka escape u hap ban leh bhabriew ban itynnad ka phlim.Shuh shuh u bah Amazing u la pynpaw ba ka eh shisha ban shad namar ba ua la sangeh ban shad ha ki 18 snem mynshwa hynrei haba la hikai ka la wan la ka wanhi.Ha kane ka phlim u bah bah Amazing u la shad lang bad u Phira Dohtdong, Nadia Syiemlieh, Sherilin Khongwar, Rishisha Mynsong bad Joinpil Pde.