Shillong, iaiong 24:
U MLA ka Congress na Umsning constituency u Dr. Celestine Lyngdoh u la ong b aka jingiakhun ha Umsning constituency ha kane ka ilekshon MP Lok Sabha ka long hapdeng ka symbol ka Kti bad u Prah.
Haba iakren bad u Dr. C.Lyngdoh u la iathuh ba ka jingiakhun bad u kyrtong ka Voice of the People Party (VPP) ha Umsning constituency ka dei namar u la ithuh ia ki briew namar u la dep iakhun ia ka ilekshon MLA ha u snem 2023.
U la iathuh ba ka Congress kan khlain bha ha Jirang, Nongpoh, Mawhati bad ka don ka jingiakhait pat baroh lai tylli ki seng ha Umroi constituency kata kin iaknieh vote ka VPP, Congress bad NPP.
Shuh shuh u la pyntip ba hadien ba la dep thep ia ka vote ka Congress kan wan kaba nyngkong ha Shillong constituency, ba ar ka VPP, Balai ka NPP bad basaw ka UDP.
“Nga ngeit skhem ba ki paidbah ki dang shaniah ia ka Congress ban phah biang ia u bah Vincent Pala sha dorbar bah Parliament” u la ong.
U la ong ba lada ka NPP ka ong b aka Congress ka tlot ma ki pat ki don katno ngut ki MP ha Parliament namar ka don tang kawei ka MP kaba ju mihkhmat na Tura.
U la ong biang lada ka UDP bad VPP ki ong b aka Congress ka la tlot ma ki pat ki don katno ngut ki MP ha Parliament, hynrei ka Congress ka la don lypa 50 ngut ki MP.
U Dr. Lyngdoh u la ong ba wat ha Tura ruh u kyrtong Congress u don jingkyrmen ban jop namar ka jingiakhun ka long pyrshah ia ka NPP.
U la ong biang ka BJP kam kwah ban jop ka Congress hynrei ka BJP ka kmen lada jop kiwei ki seng.