Shillong 04 Risaw:
Ka Executive Committee jong ka Khasi Hills Autonomous District Council (KHADC) mynta ka sngi thohdieng ka 04 tarik risaw 2024, ka la pynlong ia ka jingialang jong ki khlieh nongsynshar na ki 53 tylli ki Hima ban long kum ka jingiatylli bad ban donlang noh ha ka wei ka shatri ka ba la tip kum ka Federation of Khasi State lane ka synjuk ki Hima Khasi.
Ia kane ka jingialang la pynlong ha National Dorbar Hall Mawlhar.
U Deputy Executive Members ka KHADC u bah Pynshngain N. Syiem u ba khmih ruh ia ka tnad elaka ha ba iakren bad ki lad pathai khubor hadien ba la wai la jingialang u la ong, ba ka thong ba hakhmat eh jong kane ka jingialang kalong, ban pynkhlain ia ki synjuk ki Hima Khasi.
U la ong ruh, ba ka donkam ban pynkhlain ia ki synjuk ki Hima namar ha kine ki sngi ba mynta ka la sngewsyir sngewtieng ha ka jingkylla ki ain ha ka Ri India bad ka jingpynkhlain ia ki synjuk ki Hima kalong ba ka sorkar India kan burom ia ki kyndon ba la dep iasoi naduh u snem 1947-48.
Ka thong jong ka synjuk bad jong ka council hi baroh kawei ka long, ba ki Hima, ki raid, ki shnong bad ka ri Khasi baroh kawei, ba ia ka jinglong kyrpang jong ngi, dei ban burom ym tang ha ka ktien hynrei ha ki liang baroh, la bynrap u bah Pynshngain.
Ha kane ka jinglang la iadonlang u syiem khynnah ka Hima Nongkhlaw, u Syiem ka Hima Nongkhlaw ba dei ruh u advicer ka synjuk ki Hima Khasi, u bah Lamphrang blah ba dei u chairman ka District Council, u syiem khynnah ka Hima Khyriem bad kiwei kiwei de.