Ka jingiai bteng ka KHADC ban kynra trading licence ïa ki dukan bar jylla kam pat la shongthait ha ka jingialam u CEM u Bah Pyniaid Sigh Syiem, mynta ka sngi ka 7 tarik Naiweing 2023, la sakhi ba u CEM ka KHADC U Bah Pynïaid Sigh Syiem ryngkat u EM ka ka taxation u Bah Fantin J Lakadong, ki officer bad ki pulit Enforcement ka KHADC kila hiar khynrah trading licence ïa ki dukan bar jylla ha ïew Majai khappud Bangladesh.
Kaba lyngngoh ka long ba ki bar jylla kiba seng business bad ki buh dukan ki la ïoh jingtip lypa ba ki briew ka KHADC ki wan ban kynra Trading licence bad kila dep ban khang noh ia ki dukan khlem la plie satia namar ki ting ba kim shem la bing ki kot ki sla.
Ka KHADC kala ioh ban kyndang tang katto katne tylli ki dukan bar jylla namar bun kiba la ioh jingtip noh bad kiba la khang noh ïa ki dukan.
Haba kren bad ki lat pathai khubor u CEM u Bah Pynïaid ula ong ba ka jingkhang noh jong ki ía ki dukan sngewthuh Shai ba kine ki bar jylla kim don satia ki kot ki sla kiba shisha.
Shuh shuh ula ong ka jingwan leh binebimi ha Ïew Majai ka don namar don ki dukan bar jylla kiba wan kam trai da ki rangbah kiba ong ba kidei ki trai dukan bad na kaliang u CEM um ailad bad Ula bthah ba dei ban Khang beit ïa ki dukan bad yn bishai la kidei ne em ki ba shisha.
Shi bynta kaba la pynkyndit ïa ka long ba don ka dukan jong u Bar jylla uba la ioh lok da ka thei khasi uba la pynkylla ïa ki kot ki sla sha ka kyrteng jong ka kurim.