Shillong :Hadien ka jing pulom ka jingia kynduh ki nong Asha kiba don hapoh ka kynhun jong ka Meghalaya Asha worker unoin bad ka myntri jong ka tnat ka koit ka khiah kaba la buh por ha 16 tarik jong u risaw ka kong Ampreen Lyndoh namar ba ka myntri ka don ki daw bym lah kiar
Mynta ka sngi pat ka ka 30 tarik u risaw kine ki nongtrei Asha ki ioh lad ban ia kynduh bad ka myntri ban pynpaw ia ka jing eh jong ki kaba na ka por sha ka por kaba ki ia kynduh kum ki ba peit ia ka koit ka khiah ha ki shnong ki thaw.
Haba kren bad ka Nongaibiut jong ki Asha ka kong Sony kharjana ka la iathuh ka jingia kynduh Jong ki ka dei ban pynpaw sha ka myntri namar kum ki nongtrei bunsien ki ju ia kynduh jingeh haba ia dei ka jing siew ia tulop jong ki, kaba la donkam ban Kyntiew khyndiat bad ruh ka shah weng kam jubor Jong ki khlem kino ki daw kiba biang bad kaba kham kongsan ka dei ba kiba bun ki department jong kiwei ki tnat sorkar ki shu pyndonkam ia ki Asha ha ki tnat jong ki, wat la kam dei shuh ka kam jong ki khamtam haba dei bad ka jinglum jing khein na ki iing ki sem bad ka jing donkam jong ki ducument bapher bapher.
Haba ioh ban ia kren na ka liang ki Asha ki la ithuh ba na ka myntri ka jubab ia mynta kam pat lah rai hynrei kan shong pyrkhat shwa bad u myntri rangbah ka jylla bad haba ia dei bad ka jing shah pyndonkam, na ka liang ka myntri kan sa ia da ki guiline kiba biang na bynta Jong ki.
Shuh shuh na ka liang ka president ka seng ka kong M june ka la iathuh ba na ka liang jong ki nongtrei Asha kin sangeh shwa ban trei kam bad kim ap haduh ka 6 sngi ba ka sorkar kan shim ia ka rai, bad la kim ai na ka liang ki Nongtrei Asha kim banse ban mih surok.