Shillong 16 Kyllalyngkot – Ka Hynniewtrep Integrated Territorial Organization (HITO) ka la dawa na u myntri ba dei peit ia ka sport u bah Shakliar, ha kaba iadei ban buh da ka jingtohkit halor ka jingbym biangbha ka bam bad kiwei kiwei de ki kynrum kynram kiba mih ha ka 5 Meghalaya Game 2024.
Ka seng ka ma phah ka shithi ka ba shai sha u myntri ka sport ba dei ban thung noh da ka jingtohkit ba balei kamih ka jingkynrum kynram ha kane ka jingialehkai lane ka 5 meghalaya Game 2024 ka ba la pynlong ha Tura.
Ka sorkar ka la mang ban pynlut haduh 23 klur tyngka, na kanynta kane ka jingialehkai, hynrei ka bam pat kam biang, ha kaba la pynpaw da ki samla ki ba ialehkai hapoh ki social media ba ka bam kam biang naduh hynnin ka sngi.
Ka seng ka la dawa ruh ba dei ban tohkit ba mano ki ba pynlong ia kane ka jingialehkai bad mano ba pynbiang ia ka bam nakabynta ki nongialehkai, bad ka seng ka la dawa ruh ia u bah shakliar ba u dei ban pyntip hano la aiti ia kane ka kam ban oynbiang ia ka bam ia baroh ki nongialehkai ka jylla.
Ka jing dawa ka seng HITO kadei hadien ba la ioh ba ka muh shinun ka jingkynrum kynram ha Tura ha ka ba iadei bad ka jingbym biang ka bam, ha ka ba la ai da ki bam ki ba pyndap lyer ia ki ningialehkai, ha ka ba la song tang da ki jingbam kum ki Chips, Samusa, bad kiwei kiwei.
La sakhi ruh ha kane ka jingialehkai ba ki nongoynkhuid ia ki pliang ja, ki la pyndonkam da u brut ba shut painkhana, bad ka video ba la saphriang ha ki social media ba ki samla nongialehkai ki la ong ba, namar ka jingbym iohja hap iaid da ka kjat ban leit wad bam.