Shillong 1 Rymphang:
Ka seng Hynniewtrep Integrated Territorial Organization (HITO) Shillong City mynta ka nohphai sngi ka la ioh ban bat ia 18 ngut ki bar jylla na mawlai By-pass, kiba thmu ban kiew sha nongbah Shillong, khlem ki kot ki sla ki ba biang. Kine ki bar jylla ki ba thmu ban rung Shapoh meghalaya ki la wan da ki 3 tylli ki kali, ki ba dei na Assam bad kidei ki kali shimet. Haba ioh ban kylli tohkit nakaliang ka seng ia kine ki bar jylla, ba ki wan naei kin leit shaei hynrei ka jing jubab jong kine ki bar jylla kim shem la ai ka jubab ka ba biang. Haka jingiakren bad u bah Banpyntyngenlang Syiemlieh President Shiilong City, u la iathuh, ba ka jingiohbat jong ka seng ia kine ki bar jylla kadei hadien ba ki wan program, ban leit phai noh bad ynda la poi ha kane ka jaka, ki la lap ba ki bar jylla ki la shongkhrui ha surok. Kine ki bar jylla kidei na ka jylla Assam ki ba thmu ban rungtuh sha Shillong khlem da don ki kot ki sla ki ba biang, ka ba la pynlong ia ka seng ban bat ban tohkit shaei ki mut leit ne mano ba phah ia ki ban wan shane, ong u bah Banpyntngenlang. “Nakaliang ka seng ka dang ap ia ki nongkitkhlieh ia kine ki bar jylla, ban wan trei sha ka jylla meghalaya, ba kin wan ban iakynduh shwa ia ka seng bad lada jia ba ki slem ban wan ka seng kam banse ban phah leit noh ia ki sha ka ja ka ba ki wan. Kumta hadien katto kattne por katba ka seng ka dang ap ia ki nongkitkhlieh ia kine ki bar jylla, la wan poi noh ki pulit bad la rah Sha Mawlai police Station ban tian bishar iaki.