Delhi, Naiwieng 03:
Haka sien kaba ar ka ri India lyngba ka Ministry of Food Processing Industries jong ka sorkar India ha ka 3 tarik haduh ka 5 tarik kala pynlong biang ïaka lympung pyninam ïaki mar bam mar dih bad ki mar rep haka World Food India 2023 bala wan ban plie paidbah ha katei ka sngi da u Myntri Rangbah duh ka ri u Narendra Modi bala pynlong ha Pragati Maidan, New Delhi.
Lyngba katei ka World Food India ka thong ba hakhmat ka long ban pynpaw pyrthei ïaka jingriewspah ka ri India bad ka jingkhlaiñ ka jingpynmih haka liang ki marbam mardih ban long ruh kum ka shang marbam jong ka pyrthei ne ka Food Basket of the World kaba dei ruh u snem ka jingrakhe iaka International Year of Millets.
Haba kren ha katei ka sngi naka liang u Narendra Modi u la pynpaw ba ka ri India ka dei kaba riewspah haka jingpynmih ïaki mar rep bad ki marbam mar dih bad lyngba kum kane ka program ka long ruh ka kabu ïaka ri India ban ïateh bad ki ri ka pyrthei ha kaba iadei bad ka jingpynmih ïaki marbam mar dih bapher bapher bapher khamtam ki kompani pynmih mar bam.
U la ong ruh ka jingkyrduh bam ka dei ka jingeh jong kiba bun ki ri ka pyrthei, ka ri India mynta ka dang ïakhun ban long kum ka shang marbam jong ki ri ka pyrthei ha kaba kala don ruh ka jingkiew sted haka rukom pynmih ïaki marbam.
