Shillong:
Kawei ka samla kaba dang 27 snem ka rta na Brazil Valeria Pantoja, kaba don palat 12,000 ngut ki nongbud ha instagram, ka la khlad noh hadien ba ka la ioh pang namar ba ka la shah sumar ban pynduna ia ka jingkhia jong ka met.
Ia kane ka jingkhlad jong ka Valeria Pantoja la pynthikna da ki bahaïing jong ka lyngba ka jingthoh ha ka Instagram jongka. “Ka long da ka jingsngewkhia kaba khraw ba ngi pyntip sha phi halor ka jingkhlad noh jong ka Valeria Pantoja”, la thoh kiba haïing ha ka Instagram Stories. Da kaba khot ia ka Valeria kum ka briew kaba “ieit”, ka iing ka sem ka la bynrap ba ki jingkynmaw jong ka kin pyntngen ia kiba ieid.
Ha ka jingpynbna, ka longïing ka la ai khublei ruh ïa ki nongbud jong ka ha ka social media na ka bynta ka jingkyrshan bad jingieid jong ki.
Ka longïing ka la ai khublei ïa ki nongbud jong ka na ka bynta ka “jingkyrshan bad jingieid” jong ki ha kane ka por kaba eh, katba ki jingai burom ki la tuid na ki nongkyrshan bad ki paralok barim kiba la ïoh ïa ki jingsumar pynitynnad kum ka Botox bad ki dawai pyndap rmiang shyntur na ka.
Katba ym pat lah ban pynthikna ia ka daw jong ka jingiap jong ka, ka para jong ka ka la pynshai ba katei ka nonglehkai kaba dang 27 snem ka rta ka la shah sumar dang shen ban pynduna ia ka jingkhia jong ka bad ka dang koit noh haba ka la pang kynsan kynsan.
“Kam shym la pyniap ialade. Kam shym la hap na ki step. Ngim pat tip ia ka daw – tang ka jingpeit bniah ia ka met kan pynthikna,” la thoh u dkhot jong ka iing, da kaba kyntu ia ki briew ba kim dei ban pynphriang ia ki jingtip kiba bakla. “Ka la tlot, ka la pang ha ka por miet, bad ka la khlad noh ha hospital,” la bynrap shuh shuh ka kyrwoh.
Ka jingkhlad kynsan jong ka, ka la pynlong ia ki nongbud jong ka bad ia ka imlang sahlang jong ki nongitynnad jong ka Brazil, ba kin kyndit.
