Ka Sherilin Khongwar ka dang ap sa ia u bah Amazing Kurbah ba kan ioh ban shah hikai shad lang ha u bah Wanbet Shangpliang ban ioh shad ha ka music video Shillong sha Dhaka na ka phlim Dhaka Escape.
Ka Sherilin, bah Amazing bad Rishisha Mynsong ki dei kiba shah khot sngewbha ha ka Chwa Syiemlieh Film Production ban wan shad ha ka jingrwai kaba khatduh jong ka phlim Dhaka Escape kaba la ak lang bad u Phira Dohtdong, Nadia Syiemlieh bad u bah Joinpil Pde.
Ka Sherilin ka ioh ban sdang ban shah hikai shad nyngkong ha u bah Wanbet ha ka jingiadonlang ka Nadia Syiemlieh, bah Joinpil Pde.
Ka jingrwai na ka phlim Dhaka escape kan dei ka sien kaba nyngkong ia ka Sherilin Khongwar ba kan ioh ban shad naduh ba ka la sdang ban ak phlim.
Katba u bah Amazing Kurbah u dei u nongshad naduh ba dang khynnah hynrei u ju pynpaw ba um lah ban iakhun ia u bah Wanbet Shangpliang ha ki rynsan iakop shad hynrei khlem poi pyrkhat ba un shah hikai shad ha u bah Wanbet.
U bah Amazing u dei u ba la paw ha rynsan ialap ilekshon ha Sohiong constituency bad mynta u kwah ban rung noh ha ki kam ak phlim na ka bynta ban pynsahnam ialade bad ia ki khun ki kti.
