Shillong 12 Nohprah- U Chief Executive Members (CEM) ka Khasi Hills Autonomous District Council (KHADC) u bah Pyniaid Sing Syiem mynta ka sngi baar, ka 12 tarik u nohprah 2023, u la pyllait paidbah bad aiti sha ka Hima Khyrim ia ka kali kit ñiut, ha ka jingialang ka ba la pynlong ha iingsad.
Ia kane ka kali kit ñiut la ai sngewbha da u bah Pyniaid Sing Syiem CEM ka KHADC, lyngba ka Skhim Chief Minister Special Development Fund. Ha kane ka sngi pylllait ia katei ka kali kit ñiut, la iadonlang ki Myntri, ki Lyngdoh jong ka Hima Khyrim, U Paiem Dr Balajied singh syiem, u Sordar bad u secretary shnong jong ka shnong Smit, ki MDC bad kiwei kiwei.
U bah Pyniaid Sing Syiem kum u kongsan u la Ong, ba ka jingthmu jong kane bad ka kamram kum ki MDC kalong ban thaw ia ki ain ban pynneh pynsah ia ka riti ka kolshor, bad mynta ka kynti ka la ioh sa kawei ka kamram bad kata ka long ha ka ba iadei bad ban tehlakam ia ka khuid ka suba ha ki shnong ki thaw.
“Watla ka Smit ka la jngai hynrei naka liang ka KHADC kan shimkhia ban ai jinghikai ban lum thup ia ki niut namar ka shnong Smit kadei ka shnong ka ba bun briew bha” Ong u bah Pyniaid.
U bah Pyniaid u la Ong ruh, ba man ki snem ka jingiakren kalong beit ba ki nongshong shnong ki shem jingeh ha kaba iadei bad ka um bam umdih bad ki niut, bad lada bakla ia kine teng teng ruh la shah wengkam syndon ia ki nongialam shnong namar kadei ka mat ka ba ktah ia ka imlang ka sahlang ka ba man ka sngi.
Kumta na ka liang ka KHADC haba ngi iohi shai ia ka jingdonkam ka council, ngi wanrah ia ka Solid Waste Management Act 2020, bad ia kane la ioh jingmyntoi ban wanrah ia ki kyndon bapher bapher, ban tehlakam ia ka jingbret pathar ia ki niut kat shaba lap kat sha ba shem.Kane kadei ka jingkit khlieh naka liang jongngi ryngkat ka ain ba la ioh jingmynjur, la bynrap u bah Pyniaid