Shillong, Jylliew:
Ka kong Theirisa Pde kaba dei ka kmie jong u Albert Pde ka la iathuh ba u Albert naduh ba u la phla ba u iohi ia ki lai ngut ki shynrang ki iaidlang bad u Raja bad ka Sonam haba ki kiew sha Mawlakhiat u la don ka jingsngewsyier ban ialam ia ki nongjngohkai pyrthei sha Nongriat namar ioh don kiba buddien ia u.
Ka kong Theirisa ka dei ka longkmie na shnong Mawlakhiat kaba ju ialam lynti ia ki nongjngohkai pyrthei kiba hiar ba Mawlakhiat sha Nongriat.
Haba ia kren ha ka por ba hiar sha Nongriat ka kong Theirisia Pde la iathuh ba u khun jong ka u Albert Pde mynta um treh shuh ban ialam ia kiba wan shangkai pyrthei namar ba um don ka jingbymshngain shuh namar ba u la sngewsyier ialade.
Ka la iathuh ba ka jingsngewsyier ka dei namar u la phla ia kaei kaba u iohi shaphang ki briew kiba iaid lang bad ka Sonam Raghuvanshi bad u Raja Raghuvanshi namar lehse ioh kin don kiba buddien mano mano ia u ban wan leh kum ki nongjngohkai pyrthei.
Ka la iathuh ruh ba um treh shuh ban ialam ia kiba wan shangkai pyrthei naduh ba u la mih ha kiba bun ki khubor bad ka wei ka dei ba u Samla Albert Pde um ithuh ia kiba ha iing U Raja Raghuvanshi bad ka sonam Raghuvanshi bad kane ka la pynlong ia u ba um treh shuh ban ialam namar kam shngain shuh ia u .
Ka kmie u Samla Albert Pde ka la iathuh ruh ba mynta um treh shuh ban ialam ia ki nong wanshang kai pyrthei um don shuh ka kam ban trei bad kane kan buh jingeh namar un bsa da kaei haba u la don ar ngut ki khun.
