Shillong 24 Nailur:
Ka Khasi Indegenious Foundation ka la pyntip paidbah, ba kan sa pynlong biang ia ka Khasi traditional show online ne ka jingpyninam ha ka riam tynrai u khasi, ki ba kynthup ha ka shad, ka rwai, ka put ka tem bad kiwei kiwei de.
Ha ba kren sha ki lad pathai khubor ha Shillong Press Club mynta ka sngi u bah Niman Shadap u ba dei u director kane ka kynhun u la ong, ba ka thong jong ka kynhun, ban pynlong ia kum kine ki program ka long ban pynkiew bad ban pynsah ia ka tynrai jong u khun khasi. Kane ka dei ka sien ka ba ar ba ka kynhun ka pynlong ia Kane ka program.
Ha Kane ka jingpyninam ha ka riam tynrai u khasi lane ka Khasi Traditional Show yn shu leh tang da ka online ka ban sa sdang naduh ka 10 tarik Risaw bad kan kut ha ka 20 tarik U Risaw 2024, ha kaba ki nongiashimbymta baroh kim donkam ban siew eiei (Entry free).
U bah Niman u la pyntip ruh, ba ki nongiashimbymta ka kalong ha ka shad, ka rwai, ka put, ka tem, bad shad bad kiwei de kidei ban riam ryngkat ki riam tynrai u khun Khasi Khara. Ki nongiashimbymta baroh kin phah ia ki video ha u number 8131803454/9863799299.
Ki ba jop ha kane ka jingiakop kalong, ki ba wan ba nyngkong (1 Prize) kalong 12,000 ryngkat ka Momento, ki ba wan ba ar 2nd Prize kalong 6,000 ryngkat ka Momento,ba wan ba lai (3rd Prize) kalong 3,000 ryngkat ka Momento, ba wan ba saw (4th Prize) kalong 1,500 ryngkat kaMomento bad ki ba wan ha ka kyrdan ba San +5th Prize) kalong 1,000 ryngkat ka Momento.
Kumta ka kynhun ka la Khot bad wer sngewbha ia baroh ki nongshong shnong na sor bad nongkyndong kumjuh ruh ki khasi ki ba sah shabar, ba kin iashimbynta ha kane ka show.