Shillong, Nailur 04:
Ka samla Rimika Dkhar kaba dang shong third semester ha Bachelor of Science ha Kiang Nangbah College, Jowai ka la iathuh ba jingjubab jong ka, “it’s a secret” namar ka sngewthuh bakla namar ba ka dang mut ba ka nongbishar ka kwah ban iakren shwa ba kan buh jingkylli ha jingiakop thei bhabriew Miss Meghalaya 2024 hynrei kam poi pyrkhat ba kato kaba ka kren ia ka ka la dei ka jingkylli.
Katkum ka jingsaphriang ha rynsan social media, ka nongbishar ka la buh jingkylli, I really like your gown so I just want to know, who is fashion icon and why? Ka Rimika ka la jubab “it’s a secret”. Nangta ka nongbishar ka la ong biang, can you tell me, bad ka Rimika ka la jubab ‘No’ hynrei ka nongbishar ka khlem kylli shuh.
Watla kane ka video ka la saphriang ha social media hynrei ka Rmika Dkhar ka khlem don ka jingsngewlehrain hynrei ka sngewkmen haba ka la shah jied ban iakhun sha final ha jingiakop thei bhabriew ne Miss Meghalaya 2024 kaba dang shu dep shen ha Lariti Mawkasiang, New Shillong.
Ban tip kham bniah ia ka jingsaphriang katei ka video u nongsain hima u la leit ban iakynduh kyrpang bad ka rimika dkhar.
Ka Rimika Dkhar ka la iathuh ba mynshem snem ka la leit ban shimbynta tangba ka khlem jop bad mynta u snem ka la shimbynta biang hynrei watla ka bakla pynban ka la ioh lad ban rung sa ha final round.
Ka Rimika ka dei ruh ka puron jong ka phlim pnar ka Johkhe.com kaba dang shu pyllait mynshem snem ha bijou cinema shillong bad mynta ka thrang ban ak sa ki phlim khasi ba la pynmih na Shillong.
Ka la iathuh ba watla ka dang pule hynrei ka thrang ban long kum ka thei bhabriew bad thrang ban long kum ka puron ha ki phlim khasi.