Kolkata:
Ka West Bengal ka la sakhi ia ka jingkulmar kaba man ka por ha ka sngi Balang (28 tarik u Nailar, 2024) ha ka por ba khang khyrdep kaba 12 kynta kaba la khot da ka BJP ban pyrshah ia ka jingleh ki pulit pyrshah ia ki nongiakhih ha ka jingiaid paidbah sha State Secretariat ha ka sngi thohdieng.
Ha Kolkata, ka kam kaba ju long ha ka sngi la kham duna ki bos, ki auto-rickshaw bad ki taksi kiba iaid. Ki kali shimet ruh ki la duna bha, wat la ki iew ki hat bad ki dukan ki dang plie kumba ju long.
Ki surok jong ka Kolkata ki la shah ktah ha ka jingkulmar ha ka sngi baa r kaba dei (27 tarik u Nailar, 2024) hadien ka jingialang pyrshah kaba la shim ia ka lynti ha nongbah jong ka jylla. Hadien kane, u Myntri ka sorkar pdeng bad u president ka BJP jong ka West Bengal u Sukanta Majumder u la khot ia ka ‘bandh kaba 12 kynta’ ha kane ka jylla.
Kitei ki nongkyrshan bandh, ki la iatyngkhuh bad ki pulit bad ki nongbylla jong ki nongtrei ka tnat synshar ka Trinamool Congress (TMC) ha ki jaka bapher bapher jong ka jylla. Ka jingïakynad kaba jur ka la ïathuh na Bhatpara ha North 24 Parganas district ha kaba ka kali jong u nongïalam ka BJP u Priyangu Pandey ka la shah siat ha ki nongtrei ka TMC.
ka President Murmu ka la kynthoh ïa ka ‘jingkynmaw lang’ jong ka imlang sahlang jong ka ri India halor ki kam runar pyrshah ïa ki kynthei
Ka myntri rangbah ka West Bengal, ka Mamata Banerjee, ha ka sngi balang ka la ong ba yn sa khot ia ka dorbar jong ka iing dorbar jylla ha ka taiew ban wan bad yn sa thaw ia ka bill ban pynthikna ia ka jingpynshitom iap ia kito kiba shah rai pynrem halor ka jingleh beijot.
Ha kajuh ka por, ka Indian Medical Association (IMA) ha ka sngi balang (August 28, 2024) ka la pynsangeh noh ïa ka jinglong dkhot jong u R.G barim. Hapdeng ka jingtohkit jong ka CBI halor katei ka kam.