Shillong, Nailar 02:
U Organising secretary ka Voice of the People Party (VPP) Jaintia hills district bah Damewanhi Rymbai u la ong ba ka ophis jong ka Jaintia Hills Autonomous District Council (JHADC) kam dei ka iing lok, iing khun ne iing kmie jong u bah thombor shiwat uba dei u Chief Executive Member ba mynta hynrei ka dei ka ophis jong ki paidbah.
U bah Dame Rymbai ryngkat ka jingiadonlang ki para nongkitkam ha jingiakynduh bad u Nongthoh khubor hadien ba la wai ka jingialang ka VPP ha iew Wahiajer u la ong ba um donkam ban panmap na u CEM halor kata ka jingkynnoh ba buhrieh ia ka pisa 20 klur tyngka.
U la pynpaw ba kumba kren u bah Ardent ba u CEM ka JHADC uba dei ban panmap na ki paidbah namar ba u la buhrieh ia ka pisa.
U la buh jingkylli hato kum ki paidbah kim don hok ban tip ia ka pisa ba ai ka sorkar sha ka JHADC, namar lada dei pisa shimet jong u CEM, ka seng kam don hok ban tuklar haba dei pisa paidbah baroh dei ban tip.
“Ka jingduh tulop ki nongtrei ka la pynlong ia ngi ban leit iakynduh ia u CEM ka JHADC kat haduh ba kan paw pyrthei ka 30 klur hynrei ha ka jingiathuh ha ka sien kaba ar u khle pyntip shuh b aka sorkar ka dang pyllait ia ka pisa kaba 20 klur” u la ong.
U bah Dame u la pynpaw ka jingsngewsih namar u CEM u pynpaw ki ktien khlemakor ia ka seng VPP namar u kynnoh ba kam don hok ban tip namar ka dei ka kamram jong ki.
U la kynnoh ba u CEM ba mynta u dei uba khyllew namar um patiaw ia ka pisa jong ki paidbah hynrei ka mih pyrthei da ka jingmih ka seng VPP.
“Ngi khlem kynnoh ba ki pyndonkam bakla ia ka pisa, ka NPP bad u CEM ki don ka hok ban ioh ia ka buro haba ki la trei shitom ban pynioh ia ka pisa” u la ong.
Ha ka juh ka por u la ong ba lada u CEM u dawa panmap hynrei un nym panmap hynrei lada don ba buh kawei ka jaka ban iatainia u kloi ban mih pyrthei.