Shillong, Jymmang 28:
U MLA barim ka Mawlai constituency bah PT sawkmie u la ong ba donbok ba khlem jia eiei ia ki khynnah skul jong ka Grace academy namar ka sorkar ka la dep pynbna ban ai shuti namar ka jingjur u slap kaba la bteng mynta ka sngi 28 tarik jymmang 2024.
U Bah PT sawkmie u la ong ba kane ka jingkhyllem ka kynroh kaba hap ha shnong mawkynroh Umshing ka surok by pass na mawiong sha Mawlai mawtawar ka la jia mynta ka sngi ha ka por 4 baje tam mynstep ha kaba ki nongbylla iing briew kiba sah sha kham sharum ki la mynsaw namar ka jingban ka khyndew.
U la ong aiu kan jia ia ki khynnah skul kaba don harum kane ka kynroh lada plie ia ka Grace academy kaba don ha mawkynroh Umshing namar ka surok haduh mynta ka la don ki dak orpait ha kaba la ker da ki siej shiliang ka surok ban nym shah iaid kali.
U la kyntu ia ka tnad PWD ba kan pynskhem ia ki kynroh ha shilynter ka surok khnang ban nym buh jingma.