Shillong, Jymmang 22:
U khlur ak phlim ka Bollywood uba la pawnam ha india bad kylleng ka pyrthei u shahrukh khan u la poi sha hospital ha Ahmedabad ban shah sumar hadien ka jingshitom kaba la wan kem pang kynsan kynsan.
Kane ka jingshitom kynsan kynsan u Shah rukh khan ka dei namar ka jingkiew ka jingshit ha katei ka nongbah ha ka por ba u la leit ban sakhilang haba ka Kolkata Knight Riders ka la iakhun pyrshah ia ka Sunrisers Hyderabad ha ka jingialehkai kriket Indian Premiere League (ILP) kaba la long myn ha ka sngi Baar mynta taiew ha Narendra Modi station Ahmedabad.
Na kaliang ki para ak phlim kum ka Johi Chawla ka la leit ban jngoh ia u Shahruk khan haba u thiah pang ha hospital.
U Shah rukh khan u dei ruh u trai ka Kolkata Knight Riders uba la kmen ruh hadien b aka kynhun jong u ka la lah ban pynliem ia ka Sunrisers Hyderabad ba kan ioh rung sha ka semi final.
U Shah rukh Khan uba baroh ki paidbah ka ri india ki ithuh lut namar ki phlim ba u ak ki long kiba iaid iew namar dang mynshem snem u la ioh ban ak haduh lai tylli ki phlim kaba la pyllait ha ki cinema ha ri india bad kylleng ka pyrthei kata ka Pathan, Jawan bad Dunki.