Ka long shisha ka khubor ban pynkyndit ia ki paidbah kiba ioh sngew ia kane ka jingjia namar kawei ka kynthei ka la shah bat tnga jubor bad thmu ban shah pyniaid ha Muzaffarnagar, Uttar Pradesh.
Katkum ka jingwad jingtip ki pulit kaba kane ka longkmie ka la ujor da ka ejahar pyrshah ia u lok u Sajid bad ia u hynmen jong u lok jong ka u Salman kiba la thmu ban pyniap hadien ba la dep batbor.
Katkum ka jingiathuh ka longkmie ha ki pulit u hynmen jong u lok ha ka 2 tarik mynta u bnai Iaiong mynta u snem u la bat tnga jubor ia ka katba ka dang don marwei ha iing hadien kata pat u la pyrshang ban pyniap ia ka.
Ha ka sngi ba bud kane ka longkmie ka la pyntip noh sha u lok shaphang kane ka jingjia, hynrei u Sajid u la ong pynban mynta phi la dei ka hynmen kynsi jong nga ym shuh kum ka lok, kaba la pynkyndit shisha ia kane ka longkmie haba ka la pyntip ia kane ka jingjia kaba la shah byrngem ruh.
Na ka liang ki pulit haba ki la ioh ia ka jingujor ki la thmu ban leit kem ia kine ki ar ngut hynrei ki la dang phetrieh haduh mynta.