Ki nongialam ka seng Congress ki la pynduh tiket noh ia kawei ka longkmie kaba dei ka nongialam ka Congress ka Supriya Shrinate kaba peit ia ka social media tang namar ba ka la kynthoh khlem akor ia ka dur jong ka puron jong ki phlim hindi ka Kangana Ranaut kaba dei ruh ka kyrtong jong ka seng BJP na Himachal Pradesh.
Ka Supriya ka la kynthoh khlem akor ia ka dur jong kane ka puron da kaba shim ia ki dur kiba mynshwa ha ka por ba ka dang ak phlim ban thep ha rynsan social media.
Ha jaka jong ka Shrinate ka Congress ka la ai tiket noh da u Virendra Chaudhary ban iakhun na Maharajganj kaba hap ha jylla Himachal Pradesh.
Ka Shrinate ka la dep iakhun teng ha u snem 2019 tangba ka khlem jop bad mynta u snem ka la pynkhreh ban iakhun biang hynrei namar ka jingkynthoh khlem akor ia ka dur jong ka puron ka la shah pynduh tiket noh ha ki nongialam congress namar kane ka jingkynthoh khlemakor ka la poi ha tyngkong shkor ka Election Commission jong ka ri India kaba la pan jingshai na kane ka nongialam Congress.
Ka Kangana ka la ak palat 33 tylli ki phlim bad ka phlim kaba nyngkong ka dei ka Gangster a love story ha u snem 2006 bad ka phlim ba khatduh ka dei ka Dhaakad ha u snem 2022.
