Shillong, Lber 29:
Ka long shisha ka khubor kaba la pynkyndit ia ka ri India baroh kawei namar ki kyrtong ki dang iaknieh ban ioh tiket n aka seng BJP hynrei kaba sngewlyngngoh ba ka myntri ka tnad pla tyngka jong ka sorkar India ka Nirmala Sitharaman ka la kyntait ia ka jingtyrwa na ki nongialam ka BJP ban iakhun ia kane ka ilekshon MP Lok Sabha namar kam don pisa.
Kat kum ka jingiakren bad kawei ka channel jong ka ri India, ka Nirmala, ka la iathuh, ba U JP Nadda, ula ai lad ia ka, ba kan iakhun ia katei ka elekshon na Andhra Pradesh lane na Tamil Nadu. Hynrei hadien ba ka la pyrkhat bha, kumba shitaiew ne shiphew sngi, ka la leit ban ai jubab ba kam lah namar ba kam don pisa, ban pynlut na bynta katei ka elekshon.
Ka la ong b aka don ruh ka jingartatien ban leit iakhun na Andhra Pradesh lane na Tamil Nadu namar ki paidbah kin sa kylli phi dei na kano ka jaka lane na kano ka niam bad kane ka la pynartatien ia ka.
Haba kylli u nongthoh khubor u la kylli ba kumno, kat ka myntri ka tnat pla pisa ka sorkar India, kam don pisa, tang ban ialeh elekshon hynrei ka la jubab ba dei tang kaba bat ia ka pisa kam dei satia ka pisa jong ka shimet namar ka la ioh da ka tulop ban trei ia ka kam kumba la bynshet.