Shillong:
U Varun Gandhi uba dei u MP uba la jop ar sien na ka seng BJP na Pilibhit kaba hap ha jylla Utter Pradesh uba dei ruh u para ar kpa jong u Rahul Gandhi uba dei u nongialam ka seng Congress u la shah khot sngewbha ha ki nongialam Congress hadien ba u la shah pynduh tiket noh ha ka seng BJP ha kane ka ilekshon MP Lok Sabha.
U varun Gandhi u dei uba la 44 snem ka rta u dei u khun jong u Sanjay Gandhi uba dei shipara trai bad u Rajiv Gandhi na ka kmie ka Indira Gandhi kaba dei ka myntri rangbah barim ka ri India.
Ka kmie jong u Varun ka dei ka Meneka Gandhi. u kpa jong u Varun u Sanjay Gandhi u la khlad noh na kane ka pyrthei ha ka por ba u dang dap saw bnai namar ka jingiatyngkhuh ka liengsuin ba u shong.
Katba u Rahul Gandhi uba la 53 snem ka rta bad ka Priyanka Gandhi ki dei khun jong u Rajiv Gandhi bad ka Sonia Gandhi kiba dang don mynta bad ka seng Congress.
Katkum ki khubor ba la mih la kynnoh ba ka jingpynduh tiket ia u Varun Gandhi ka dei namar u la sdang ban iajan bad ki hynmen jong u bad u Rahul Gandhi namar ha kine ki sngi u la sdang ban kynthoh ia ka sorkar u Yogi.
Haduh mynta u Varun um pat lah ban rai la un iakhun kum u kyrtong shimet ne un nym iakhun shuh hynrei n aka liang ka seng SP bad Congress ki la khot ia u ban iakhun n aka seng jong ki da kaba iatreilang baroh ar tylli ban kyrshan ia u.