Ka phlim Skap the brother of skop kaba kren lang ha ka ktien pnar bad khasi kan pynkynmaw biang ia ki paidbah kiba ieid ia u skop u tyngshop uba pynrkhie ia ki paidbah uba la khlad noh na kane ka sla pyrthei namar ia kane ka phlim yn pyni naduh ka shi taik mynta u bnai Nohprah haduh 6 tarik Nohprah 2023 ha Loompyrdi Iongpiah,Jowai man ka sngi.
Kane ka phlim kan pynkynmaw ruh ia u MLA ba mynta ka Jowai constituency bah Wailad Shylla uba dei shiparalok bha bad u skop ha ka por ba u dang im ha kane ka sla pyrthei,namar iakane u ha Wailad u la phla haba ai jingkren kum u kongsan haba u la pyllait paidbah ia ka phlim skap the brother of skop kaba la pynlong ha orchid inn, thadlaskein,jowai mynha ka 30 tarik naiwieng 2023 ha jingdonlang ki tyngshop ki puron bad kiba shah khot sngewbha.
Ubah wailad u la iathuh ba ki paidbah ki tip kum u skop hynrei ka kyrteng trai dei u romeo, u dei shiparalok namar u la ioh ban sahlang ha lympung sengkhihlang uba la pynpaw ba un sa pyllait noh ia ka phlim thymmai jong u hynrei khlem poi pyrkhat ba u la khlad na kane ka pyrthei.
Kumta u la kitbok ba kane ka phlim brother of skop kan long kaba itynnad haba la pyni ha iongpiah loompyrdi jowai naduh ka 1 tarik nohprah 2023.