Shillong Naiwieng 25:
Ki pulit mynta ka sngi saitjaiñ ka 25 tarik u Naiwieng 2023 ki la pynlong ka jingtalasi ia baroh ki ba ñiah arshaka bad ruh ia ki kali ba ñiah khlem da pynbiang ia ki kot ki sla ki ba biang.
Ka jing talasi ki pulit ia ki kali bad khamtam ia ki arshaka kadei namar ka jingjia khah khah ka jingjia aksident ha kylleng ka nongbah Shillong, wat haduh ba kiba shah tynrah ki khlad noh hashen.
Ka jingkhynra ki pulit ia ki arshaka bad kali ka long shibynta ban tehlakam ia ki ba ñiah khlem ka license bad ki ba bat staring ha ka karta ka ba dangrit bad la mana ruh da kaba daiñ kuna.
Katkum ka aiñ, ia ki ba ñiah arshaka ne ñiah ia ki kali, dei ban long 18 snem shaneng, bad kiba don ia ka license ban pyni ba ki la pyntbit ialade ban ñiah ia ki arshaka ne ki kali.
Ha kane ka sngi jong ka jingtalasi ki pulit ha surok bah Lawsohtun, ki la lap ia shibun ki ba ñiah arshaka ki bym don ia ka license bad ki kali ki bym biang ia ki kot ki sla kiba biang.
Ka jingtalasi ki pulit ia ki arshaka bad ki kali kan nym kut, bad kin talasi ha kylleng jong ka nongbah Shillong.