Shillong, Naiwieng 13:
Hadien ka jingpynbna u MDC ka Shella U Bah Teiñwell Dkhar ban un shongthait noh na ka election MDC ka ban long ha u snem 2024, halor kane na ka Liang u President ka UDP ubah Metbah u la ong kam don jingeh ia ka Shella watla utei u MDC ym treh shuh ban ia khun ia ka election MDC, namar ka Shylla ka dei ka ktem jong ka UDP, ka UDP ka skhem ba kan ioh ia u kyrtong u ban bud nuksa na une u rangbah uba shongthait uba ïa ka jingshakri kaba bha tam ïa ka Shella.
Haba kylli halor khubor kiba la saphriang sted bha ba u MDC barim ka Mawkhar Pynthorumkhrah ubah Jemes Ban Basaiamoit un rung sha ka UDP ban ia khun bing ka ka election MDC, ubah Metbah Ula ong ka party kam khang ïa kino kino ki kiba thmu ban pyniasnoh sha ka party bad ka party kam pdiang ne jied ia kiba ki imon hynrei UDP ka pdiang beit ia baroh ha ka party ban ia trei lang.