Shillong, Naiwieng 09:
Ka puron jong ki phlim khasi ka Rishisha Mynsong ka la pynpaw ka jingsngewkmen haba ka la ioh ban bat kti haba shad bad u bah Amazing Kurbah ha ka music video ka phlim Dhaka Escape ka phlim khasi kaba la wan ringdur sha Bangladesh.
Ka Rishisha ka la pynpaw ka jingsngewkmen ba ka la ioh ban shad lang bad u Phira Dohtdong u tyngshop lamkhmat ha ka phlim Dhaka escape bad ka Nadia Syiem ka puron lamkhmat namar kane kaphlim ka dei kabala slem bha kaba ki paidbah ki la kwah iohi noh.
Ka la iathuh ba ka jingslem banpyndep ia ka music video ka dei namar ki hap ban shah hikai haduh ar bnai ryngkat ki 80 ngut ki nongshad synran.
Ka Rishisha ka dei ruh ka puron ha ka phlim Student Bangalore kaba la ak lang bad u Phira Dohtdong, Sherilin Khongwar, Bahduh Golden Suchiang.