Shillong, 9,Naiwieng:
Mynta ka sngi jong ka 9 tarik u naiwieng 2023 ki samla pule bapher bapher kiba don hapoh ka shatri jong ka North East Student Organization (NESO) hapoh ka jingialam jong ka Khasi Student Union (KSU) ki la pynlong ka jingshong kyllaiñ mungor ha khmat u mot Tirot Sing ka ba don ha Friregate kum ka dak ban pynrem jur ia ka sorkar pdeng halor ka jingsngap jar ha kaba iadei bad ka jingiaumsnam ha ka jylla Manipur.
Ha kane ka jingshong kyllain mungor jong ki samla pule la ia synranlang da ki sengbhalang jong ka jylla ba kynthup, ka seng Hynniewtrep Integrated Territorial Organization(HITO), ka Khasi Student Union (KSU),ka Hynniewtrep National Youth Front (HNYF) FKJGP, bad kiwei kiwei.
Ka jingshong kyllain mungor jong ki samla mynta ka sngi kadei namar ka jingsngap mynthi jong ka sorkar India bad ka jingbym leh eiei ban ioh noh ia ka jingiasuk hapoh ka jylla manipur.
Haba kren ha kane ka sngi na ka liang ki nongialam sengbhalang bapher bapher, ki la ong ba balei ka sorkar pdeng ka sngap jar jar ia kane ka kam ban leh eiei noh na ka bynta ka jylla manipur ka ba la dap 6 bnai jong ka jingiaumsnam.
“Baroh ngi kwah ia ka jingsuk ym ia ka jingiaumsnam, kane ka jingleh jong ka sorkar ban sngap mynthi ka dei namar ba ki leh politik ban pynjot ia ki paidbah”, la bynrap ki sengbhalang.
U President jong ki Kuki u samla Thangjalen u la ong ba haduh mynta ngi la duh noh ia shibun bah ki mynsiem ba lui lui ki ba la khlad noh ha kane la jingiaumsnam.
Ki don bun ruh ki samla kynthei bad shynrang ki ba la shah kitnap shah pyniap dusmon hapoh ka jylla manipur, la 6 bnai kynthih ka la iaid ka jingiaumsnam ha manipur hapdeng ki jaitbynriew kuki bad ki meitei hynrei ka sorkar pdeng haduh mynta kam shem la shim kano kano ka sin jam ban pynioh noh ia ka jingsuk hapoh manipur.