Shillong Naiwieng, 7-
Ka balang Catholic ha ka 12 naiwieng 2023 kan pynlong ia ka jingiaid procession ka ba heh kaba la tip Annual Eucharistic procession.
Haba kren sha ki lad pathai khubor u General secretary ka parish pastoral council jong la Cathedral of mary help pf Christian u bah Barnabas Nongbah u la pdiang sngewbha ia baroh ki riewgngeit khristan jong ka balang ba kin wan ha kane ka procession ka ban long ha Laitumkhrah shillong ka ban sdang ha ka por 1:30 na Calvary ter ter.
U bahut Barnabas u la ong ba ha katei la sngi hashwa ban sdang ia ka jingaid procession kan don ka jingduwai mynstep ha ka por 9:15 bad hadien kane kan don ka mass bakhuid ha ka por 10 baje mynstep kaban ialam da u Excellency u Rev. Leopoldo Girelli, u Rev. Victor Lyngdoh u Archbishop ka Shollong bad 3 ngut ki bishop ba dang shu dep pynkyntang ki ba kynthup ia u Rev. Willbert Mawreiñ u bishop jong ka nongstoiñ, Rev. Ferdinand Dkhar bishop jong ka Jowai bad u Rev. Joachim Walder Auxiliary Bishop jong ka Aizawl.
Na ka liang ka balang ha ka ba iadei bad kane ka procession ka la pynkhreh Ia ki jaka iing kali bad ka la kyntu Ia ki trai kali na kin ai ka Jingiatreilang khnang ban lait na ka jingsahkut ka jingdheng kali ha nongbah shillong.
Na ka bynta kane ka procession ki paidbah ki lah ban set Ia ki kali jong ki ba la Pynkhreh ha Madan oew rynghep, St. Edmund college, MIIT Brookdene, St. Margaret’s, St. Mary’s Convent, St. Anthony’s HS School Mini Stadium,Chris King College, Don Bosco Technical School bad ha Madan Malki.
Ha katei ka sngi la khang ban iaid kali ha ka shillong Jowai Road Dhanketi, bad ha Fire Brigade naduh kapor 12 baje haduh ka 3:30.