U working president ka MPCC u Bah PN Syiem uba long u Deputy CEM ka KHADC ula ong ka jingpyrkhreh ka Congress ïa ka election MP bad ka election MDC ka ban sa wan, kam don jingeh ïa ka seng, hynrei donkam ban kyntiew kham shaphrang ïa ka party namar kadei ka National party.
Ula ong ka seng congress kat haduh mynta ka dang shaniah ïa u seating u Bah Vincent Pala ban ia khun MP.
Ula ong watla ki ki nongkyrshan barad bah jong u kiba kwah bad donkam ïa u Bah PN Syiem ban wan phai biang sha Mawsynram ula ong ba ia mynta ym sngewkwah shuh ban ia khun na Mawsynram, hynrei un ia khun beit na Mawkhar Pynthorumkhrah tad lada ka Pynthorumkhrah kam ai shuh ka jingkyrshan kan iaid pat da kawei ka rai kawei ka lynti.
Ula ong ba kam don kano kano ka jingktah ne jingeh ïa ka Congress haba ia trei lang bad ka NPP ha Council, hynrei ka shong pat kaei kaba ka EC ka wanrah ka jingmytoi ïa u paitbah uba la jied ïa ki MDC na ka bynta ka jingiahun lang u paidbah.