Shillong, Naiwieng 03
Ka Hynñiewtrep National Youth Front (HNYF) East Khasi Hills ha ka 3 tarik u Naiwieng 2023 ka la pynpaw ïa ka jingsngewkhia ha kaba ïadei bad ka jingkhot ka sorkar ïa ka tender na bynta ban ïoh pynïaid ia ki kali kit nongpang ne Emergency Service ha ka jylla hadien ba ka sorkar ka la pynkut noh ia ka contract bad ka company GVK.Haba kren sha ki lad pathai khubor u Assistant General Secretary ka HNYF East Khasi Hills u Bah Tyllibor Swer u la ïathuh ba napdeng ki 7 tylli ki company ba wan thep tender ki don lai tylli kiba pass ïa ka technical bid bad kaba sah ka dei sa ha ka financial bid.U la ong ruh ba kat kum ka jingbud dien ka seng hadien ba ka sorkar ka la pynkut ïa ka jingaiti ban pynïaid da ka GVK EMRI ka seng ka lap ba ka sorkar lyngba ka NHM ka pynïaid hi kane ka jingai jingshakri na kata ka daw ka seng ka sngewdei ba namar ha kine ki por ba ka sorkar ka pynïaid hi kam ju mih kano kano ka kynrum kynram na kata ka daw ka kwah ba ka Nattional Helth mission ka dei ban bteng ban pynïaid biang.