U Bah Sherbor Mawlong MDC ka Nongspung-Sohïong u la ong ba ma u un long uba nyngkong ban shah kem hashuwa ba ki samla kin shah kem na ka bynta ban im ka ri bad ka Jaitbynriew.
Ia kane u Bah Sherbor Mawlong u la ong haba ai jingkren ban kyrshan bad ai mynsiem ia ka jingïakhih ka Hynñiewtrep Achik National Movement ha Jantar Mantar, New Delhi.
U Bah Sherbor Mawlong ha ryngkat u Bah Banjop Pyngrope kiba dei ki arngut ki MDC ka KHADC kia wan ban ai mynsiem bad kyrshan ia ka jingïakhih dawa ILP, ktien Khasi bad kam pynbeit pud jong ka HANM mynta ka sngi Thohdieng ka 3 tarik Naiwieng 2023 ha Nongbah Delhi.