Ka KSU East Jaintia Hills District Unit lyngba ka Sports Committee mynta ka sngi ka 1 tarik Naiwieng 2023 ka la pynkup burom ia ka heprit Rukini Dkhar ha iingsah jong ka, ka ba la ioh rah ia ka Takma Rupa haka U- 14 Girls’ 600 m Race haka lympung ialehkai 34 East Zone Champion 2023 kaba la long ha jylla West Bengal.
Ka seng ka dap da ka jingsngewsarong ia kane ka Heprit ia ka jingtrei shitom jong ka haduh ba ka la ioh rah ia ka nam ka burom ia ka Shnong ka thaw, District bad ia ka jylla bad kyrmen skhem ba ki sngi ba wan ba I ne I heprit I ioh rah sa kiwei pat ka nam ka burom ia ka District, iaka jaitbynriew Khasi bad kumjuh iaka Bri u Hynniewtrep.
Ka Seng ka sngewkmen ban tip ba kane ka Heprit ka la shah jied haka Sports Authority of India (SAI), Shillong ban shah pyntbit ialade haka ne ka shlem ai jinghiakai ia ki Samla don sap haka kam ialehkai.
Ka Seng ka kitbok kitrwiang ia I ne I Heprit ban I nangkiew shaphang haka kam ialehkai bad kum juh ka kitbok ia ine I heprit ba I leitsuk la shai ka sngi sha duh SAI, Shillong bad ba kan trei shitom bha.Kane ka long ka kyrwoh khubor na uSamla Hamewanpynhun Ryngkhlem Publicity Secretary East Jaintia Hills District Unit.
