Shillong,28, Risaw- Hadien ba ka tnad municipal jong ka sorkar jylla ka la thmu ban pynpra noh ia ka jaka ieng kali taxi jaiaw ka ba don ha motphran ban shna pynieng thymmai noh ka ba jrong kumba 4 mala eiei, ki nongshongdie ja bad sha ha kane ka jaka ki la kyrpad ia ka tnad municipal ba kin sngewbha ban ai por lem sa tang mynta 2 bnai haduh ban da kut syndon u ne u snem ba mynta namar kine ki bnai kidei ki bnai tlang bad ka iew ka hat ruh kan iaid bha. Ka jingkyrpad jong ki nongshong die ja bad sha ban aipor ka long hadien ba ka tnad municipal ka la ong ba baroh ki ba shong die ja kin mih noh ha ka sngi nyngkong ban leit shong shipor ha jrong jong katei ka building ba la pynshna khnang ka ba pyrshah bad ka motphran. Haka jingiakren bad ki lad pathai khubor na ka liang ki trai jong kine ki dukan baroh ki la ong ba katno ka long ka jingktah kaba khraw lada ngin leit kynriah noh na kane ka jaka namar ka la jngai palat na motphran artad ruh kalong sha tynrong ba ki paidbah kim lah shuh ban wan bam ja namar ka la jngai palat. Ki la kyrpad ruh ba ka tnad municipal ynda ka la sdang ban pynpra ia kane ka jaka kin sngewbha ban leh katba lah ban pyndep kham kloi khnang ba ngin ioh shong biang ha kajuh ka jaka bad ba ka iew la hat kan long biang kumjuh kumba ka long la bynrap ki nongshong die ja bad sha.