Ka jingwan ai jingkyrshan ki paidbah ia ka phlim ka daw ha Bijou cinema Shillong kaba la sdang pyni mynta ka taïew ka la pynkmen ia u trai ka bijou cinema namar hadien ka jingbym iaid iew ka phlim u Tiger shroff ka Ganapath kaba u la pyni tang shi taïew.Ia kane ka phlim Ganapath la sdang pyni ha ka 21 tarik mynta u bnai Risaw ha ka ri India bad ha Shillong la pyni ha Bijou cinema bad Anjalee cinema hynrei ki paidbah kim shym la wan ban ai jingkyrshan namar kane ka phlim kam da itynnad namar ka jingbym lah ban wanrah ia ka khana ban pynsngewtynnad ia ki paidbah.Kumta u trai ka Bijou cinema u la phone noh sha u Kiki Garod uba dei u director ban pyni noh ia ka phlim Ka daw naduh mynta ka sngi ka 27 tarik mynta hi u bnai Risaw 2023 ha Bijou cinema Ia ka phlim Ka daw yn pyni saw sien ha ka shisngi kata naduh 11 baje mynstep, 2 baje nohphai sngi, 5 baje janmiet bad 7:30 janmiet.Ha ka sngi sdang pyni, ka Wanri pyngrope bad ka khun kaba la ak ha ka phlim ka daw kaba la sdang khie samla ki la wan iuh kjat lang ha bijou cinema.