Nongpoh, 23 Risaw: U Bah ST Rympei, u ba dei u Rangbah shnong ka Lumdaitkhla, Bhoirymbong, u la dawa na ka Kong Purity Phawa, ba ka dei ban panmap na u hapoh ka 24 kynta.Ka jingdawa phah panmab u bah ST ka long hadien ba ka Kong Purity Phawa ka la record ha ka por ba ka ïakren phone bad utei u rangbah shnong ban thad ban pynsaphriang ia ka shnong baroh kawei. Kane ka jingiakren fone ka la pynphriang ha ki rynsan social media ia ka jingiakren jong u Rangbah shnong bad katei ka Longkmie, kaba dei ruh ka President jong ka STIEH.Utei u rangbah shnong, u la ong ruh ba lada ka Kong Purity Phawa kam panmad na u hapoh katei ka por ba u la buh, kaba mut ba um banse ban iaid katkum ki kyndon ain, namar ka jingthad jong katei ka Longkmie ïa ka jingiakren jong u ka la pynjah burom eh ia u namar ka la saphriang lut sha baroh ka Ri Khasi Jaintia.