Shillong:
Ka Saindur Tipkur tipkha ieng ehrngiew hynniewtrep (STIEH) ka la phah da ka jingthoh sha u Bah Paul Lyngdoh, myntri ka tnad shangkai pyrthei jong ka sorkar jylla ban pyrshah haba ka sorkar kan pynlut ia ka tamasa cheery blossom ha ka sngi u blei kaba hap ha 19 tarik naiwieng 2023.
Kane ka cherry blossom kan long lai sngi ka ban sdang naduh 17 tarik naiwieng bad kut ha 19 tarik naiwieng 2023 sngi u blei ha Bhoirymbong, ribhoi district.
Katkum ka shithi ba la soi da ka kong purity phawa kum ka president bad kong marylis Mawrie kum ka secretary ka STIEH ki la phah shithi mynta ka sngi sha u Bah Paul Lyngdoh ban pyrshah ia kane ka tamasa haba pynkut ha ka sngi u blei namar ka Meghalaya ka dei ka jylla khristan.
Ka kong purity ka la ong ba lada kwah ban pynlut dei ban sdang noh 16 tarik bad pynkut ha 18 tarik kaba dei ka sngi saitjain hynrei kim sngewiahap ban pynkut ha sngi u blei.
