Ka kmie jong ka Shani louk ka ricarda louk ka la kam ba ka khun jong ka, ka Shani louk kaba dang 22 snem ka rta kaba la shah rah bor ha ki lehnoh Hamas ka dang im tangba ka dang don hapdeng ka jingshitom.
Ka Shani louk kaba dei ka nongdro tattoo na Germany ka la leit shimbynta ha ka music festival kaba la long ha Israel mynha ka 7 Tarik mynta u bnai Risaw 2023.
Katkum ka video ba la SAPHRIANG ka Shani ka dang shad bad ki paralok ha kane ka tamasa.
Katba ki dang iashad ki lehnoh Hamas ki la wan hiar thma kynsan kynsan ia ki khappud jong ka Israel ban poi sha kane ka tamasa da kaba shong da ki tiar ba shu her na suin.
Ha kane ka jinghiar thma ki lehnoh ki la siat iap ia ki riew paidbah bad rahbor ia ki kynthei sha Gaza.
Ka kmie jong ka Shani louk ka la dawa na ka sorkar Germany ban leit pyllait im ia ka khun jong ka na kti ki lehnoh.
Ha kine ki sngi ba la leit ka kmie ka la kyrpad ia ki lehnoh Hamas ban pyllait im ia ka khun hadien ba la iohi da ki video ba ki lehnoh ki la rahbor ia ka khun ban thep hapoh kali.
