Ka Chwa Syiemlieh Film Production ka la ioh ban jied ia ki 40 ngut ki nongshad ban phah hikai ha u bah Wanbet Shangpliang uba dei u nonghikai shad ban shad synran ia ki tyngshop bad ki puron ha ka music video ka phlim Dhaka Escape ban sa ringdur ha u bnai ban wan u Risaw 2023.Kine ki nongshad ki dei kiba la jied na kito kiba la iashimbynta ha ka forth khasi dancing & singing Competition 2023 ba la pyniaid da ka phlim Dhaka Escape kaba la dep thep ka video jong ki ha u riewlum youtube channel.Namar ba ki nongshad kiba la dep siew bai rung ha ka jingiakop ki dang bun kiba kwah ban shad lang bad u Phira Dohtdong, Amazing Kurbah, Nadia Syiemlieh, Rishisha Mynsong, Sherilin Khongwar bad Joinpil Pde, kumta ka Chwa Syiemlieh Film Production kan sa jied biang sa 60 ngut ia ki samla kynthei bad shynrang ba kin ioh ban shad ha ka music Video Shillong sha Dhaka na ka phlim Dhaka Escape.Haduh mynta kiba la phah ia ki video ha ka first round kaba dei ka online ka forth khasi dancing & singing competition 2023 ki la poi 250 ngut kaba la ailad biang haduh ka 7 tarik October 2023 lada dang don kiba kwah ban phah ia ki video ha u whatapp 8974897210 bad ia ka final yn sa pynlong ha stage bad ia ka tarik yn sa pynbna hadien.Ha ka 25 tarik mynta ubnai Nailur 2023 u bah Wanbet Shangpliang u la ioh ban hikai nyngkong ia kine ki 40 ngut ha jaka hikai shad ha Mawlai bad yn sa hikai biang ha ki sngi ban wan ia kiwei pat kiban dang jied biang haduh ban da dei ka sngi ban ringdur ia kane ka music video.Ka phlim Dhaka Escape ba la ak da u Phira Dohtdong kum u tyngshop bad ka Nadia Syiemlieh kum ka puron ki la dep wan ringdur shaduh sha Bangladesh ha u snem 2020 bad ia kane ka phlim la buh thong ban pyllait mynta u snem ha cinema.Kane ka jingwanrah bun ngut ki nongshad synran ka long ban kham pynitynnad ia ka music video kumba la leh ki phlim Hindi.Ha ka juh ka por u Phira Dohtdong mynta u dang bunkam ban practice sa ia ka jingiashoh bad u Gang ba la wanrah na jylla Assam uba kham sdung ka met ban iashoh ha ka fight scene kaba khatduh jong ka phlim Dhaka Escape kaba la hikai ia kane ka jingiashoh da u bah Pynnehbor Mylliem uba dei u rangialehkai Mauy Thai. Nalor u Gang na Assam la khot lang ia u bah Jester Nongbet ban iashoh lang bad u Phira hadien ba u la rahbor ia kawei ka samla pule.