Shillong, Nailur 01
U Bah Louis Dohtdong u President ka Hynniewtrep National Youth Movement (HNYM) u la ong ba ka kyiad ka la syllad ia ki khun samla namar ki dukan die kyiad ki don palat 827 tylli kata 800 tylli tang ha ka bri u hynniewtrep katba 27 tylli ki don ha rilum garo kane ka pyni ba ka sorkar ka thmu ban pyniap ia ki samla da kaba pynbun ki dukan kyiad.
U la ong ba kajingkyrduh kam ka la pynlong ia ki samla ba ba kin sniew jinglong ba kin hap leh ia ki kam bym iahap ia ka imlang ka sahlang.
Ia kine ki kyntien u bah Louis u la kren sha ki 400 ngut ki dkhot jong ka seng HNYM ryngkat ki lama saw bad ki jingthoh ki la ialum hakhmat u mot Kiang Nangbah myn ha ka 31 tarik Nailar 2023 ban dawa na ka sorkar ba kan thaw ki lad ki lynti ban aikam aijam ia ki samla hynrei hashwa ba kin iaid paidbah ban tur sha Secretariat ki pulit kiba la pahara bha ki la khang lynti ia ki.
“Lada ka sorkar kam lah ban pynbeit ia kane ka jingkyrduhkam ka seng nangne shakhmat kan khynra ia ki bar jylla kiba wan bylla hapoh ka jylla ha baroh ka bri hynniewtrep namar ki bym biang kot ngin kyndang lut naphang” u la ong.
U bah Louis u la maham ia ki rangbah shnong ba kim dei shuh ban ai jingbit ia ki bar jylla ban sengkam lajong hapoh ka bri u hynniewtrep namar ka KHADC kam lah ban ai laisen khaii khlem ka jingbit na ka dorbar shnong.